بسم الله الرحمن الرحيم
الدرس دة هنتعرف فية على طريقة جديدة واحترافية جدا لتغيير خلفية الصورة بالفوتوشوب, واضافة بعض المؤثرات الضوئية على الصورة.
دي الصورة النهائية:
------
الدرس فيديو مدتة 33 دقيقة وانا رفعتة ع الميديا فاير بمساحة 60 ميجا.
اولا اضغط هنا للتحميل
ثانيا هشرح اية هو اللاير ماسك (Layer mask)
Layer mask عبارة عن طبقة بيتم اضافتها على اللاير المحدد.
عن طريق ايقونة Add layer mask او Add vector mask الموضحة بالصورة.
رقم 1 ايقونة اضافة اللاير ماسك, رقم 2 اللاير ماسك.
واللاير ماسك دة كأنك ضيفت ورقة شفافة على صورة مثلا ورسمت مربع بقلم رصاص النتيجة هتكون انك مش شايف المكان الي انت رسمت فية مربع لو مسحت المربع هيظهر عادي.
طيب نفسر الكلام دة ع اللاير ماسك,هنفرض اننا عندنا صورة كورة في لاير لوحدها وتحت اللاير بتاع الكورة خلفية لونها ازرق وعملنا لاير ماسك على اللاير بتاع الكورة هنجيب الفرشة (Brush) ونرسم على الكورة باللون الاسود مع ملاحظة انك تكون معلم على صورة اللاير ماسك الي على يمين صورة اللاير, كدة الجزء الي رسمنا علية هيختفي ويظهر مكانة اللون الازرق بس حسب التدريج او النعومة بتاعة الفرشة الي هي Hardness.
لو عاوزين نرجع الجزء الي اختفى دة هنجيب ال Eraser او نرسم بالفرشة لكن باللون الابيض وانا افضل الفرشة.
-------------------------
ليست هناك تعليقات:
إرسال تعليق