طريقة احترافية لتغيير خلفية الصور بالفوتوشوب مع صورة قبل وبعد التعديل.

بسم الله الرحمن الرحيم

الدرس دة هنعرف فية طريقة لتغيير خلفية الصور المعقدة, يعني مثلا عندنا صورة بنت شعرها طويل جدا و من اكبر المشاكل الي بتواجه اي حد لما يغير خلفية صورة بتكون هي مشكلة الشعر.

دي صورة قبل وبعد التعديل

طبعا الطريقة الي هشرحها دي مش هتكون الطريقة الوحيدة في طرق تانية كتيير ان شاء الله هشرحها في الدروس القادمة.

نبدأ.. :D

دي الصورة الي هشتغل عليها

----------------

نفتح الفوتوشوب :D

واختار open من قائمة file او Ctrl+o من الكيبورد.

واختار الصورة.

كليك يمين على اللاير بتاعة الصورة اسمها background واختار Duplicate layer (او من الكيبورد ctrl+J)

كدة هيكرر اللاير , بعد كدة هنشيل علامة العين من عند اللاير الاخير اسمة Background (وهو محمي) علشان يخفية

كما موضح بالصورة

هنختار اداة Background Eraser Tool كما موضح بالصورة

--------------------------------------

وهنعمل ال foreground color لون الشعر و ال background color لون الخلفية ونبدأ نمسح من الجوانب لحد ما نوصل لحدود الشعر ونمسح عند حدود الشعر كما موضح بالصورة.

اضغط على الصورة علشان تشوفها كاملة او اضغط على اللينك دة https://blogger.googleusercontent.com/img/b/R29vZ2xl/AVvXsEjoLO4QjzTNmqQL49C77UD-Z8bv60qYTvT5VxIUJqiYjjd00r3wdgzQVrhyz19rjBI08jeNSaFalDbu2_7OQq7VBlgyaUlaGS_-YEAuA-D1lvWCbCAAJpwfXNKYCF84JKJsT9416uKdQEoG/s1600/3.png

-----------------------

بعد تنفيذ الخطوة السابقة هتكون النتيجة كدة.

-----------------
بعد كدة هنغير الخلفية بتاعة الصورة مثلا الاول نجرب على لون
هنعمل لاير جديد من قائمة layer اختار New ثم اختار Layer
او من الكيبورد ctrl+shift+N
بعد كدة انقل اللاير الجديد تحت اللاير بتاع الصورة علشان الخلفية تظهر للصورة
اختار fill من قائمة Edit او من الكيبورد shift+F5
واختار color من ..use
واختار مثلا اللون الازرق.
هتلاحظ وجود نقط بيضاء في الشعر , هنظبط الصورة في الخطوة دي....
اختار اداة ال Burn tool واظبط الاعدادات كما موضح بالصورة

-------------
طبعاً زي مانت شاايف الصورة دلوقتي مينفعش تكون صورة :D لان في مناطق مش ممسوحة كويس علشان كدة انا هظبط الشعر بأداه ال Burn tool  بس لازم تظبط الاعدادات زي ما في الصورة فووق , اضغط على الصورة علشان تكبر :D
--------------
بعد ضبط الشعر بأداه ال Burn tool في الخطوة السابقة هتكون النتيجة كدة.

----------
تمام كدة هنحتاج نمسح الحاجات البيضة الي جمب الشعر ودة هيكون بأداة ال Background Eraser tool الي استخدمناها في ازالة الخلفية.
هنعمل لون الشعر في ال Foreground color تاني ولون الخلفية في ال Background ونبدأ نمسح الاماكن البيضا.
النتيجة هتكون كدة

------------------
كدة نقدر نضيف اي خلفية تانية ولو ظهر اي حاجة نقدر نعالجها بنفس الخطوات السابقة
ودي صورة للخلفية الي انا ضيفتها
http://desktopbackgrounds1.com/wp-content/uploads/2012/04/usa-desktop-backgrounds-2.jpg
----------------
ملحووظة مهمة: لو حبيت تظبط لون الصورة مع لون الخلفية اختار adjustments من قائمة image وهتلاقي حاجات كتير لكن الاهم في دول بالنسبة لصورة زي دي هيكون ال Brightness/contrast و Color Balance