بسم الله الرحمن الرحيم
تم افتتاح قسم photoshop tips & tricks
------------------
القسم دة ان شاء الله هشرح فية طريقة عمل الصور الاحترافية والشرح هيكون بالصور وبسيط جدا اي حد يقدر ينفذه وان شاء الله هيفيد المبتدأ والمحترف جدا ولو اي حد عنده سؤال يتركة في التعليقات او في الشات انا هكون موجود في الشات باسم herohck.
وانهردة هشرح درس بسيط جدا لكن معظم المستخدمون لبرنامج الفوتوشوب ميعرفوش عنه حاجة لذلك حبيت ابدأ بية.
---------
الدرس عبارة عن شرح طريقة صناعه صورة متحركة بالفوتشوب.
وهننفذ صورة متحركة زي الايقونة الي جنب عنوان الموقع فووق
---------
الخطوة الاولى:-
هنفتح الفوتوشوب ونختار New من قائمة file او عن طريق الكيبورد اضغط Ctrl+N
واظبط اعدادات الصورة زي ما تحب (المقاس) كما في الصورة
-------------------------------------------
فكرة الصورة هتكون عبارة عن 3 طبقات (layers) , الطبقة الاولى هتكون فيها حرف A والثانية P والثالثة U.
وهنظهرهم على التوالي بحيث يكون اخر طبقة ظاهرة هي A وتحتيها P وتحتيها U
هنبدأ ننفذ الكلام دة هنعمل new layer
عن طريق الايقونة الي ظاهرة في الصورة او الضغط من الكيبورد على Ctrl+Shift+N
القائمة دي بتظهر اسفل الشاشة على اليمين لو مش ظاهرة اضغط من الكيبورد f7 او اختار layers من قائمة window
-----------------
تمام كدة احنا ضيفنا اول طبقة (layer 1) المفروض دي هيتعمل ليها خلفية وبعديها نكتب حرف ال U
وبعد كدة نضيف الطبقة الثانية ونعمل ليها خلفية ونكتب فيها حرف P
وبعدين نضيف الطبقة الثالثة ونكتب فيها حرف ال A
وبكدة هيكون عندنا 3 طبقات اول طبقة ظاهرة A وتاني طبقة ظاهرة P وتالت طبقة ظاهرة U بحيث اذا تم حذف الطبقة A هيظهر الطبقة P واذا تم حذف الطبقة A و P هيظهرلك الطبقة U وبكدة تكون فكرة الطبقات انتهت وهنبدأ بتنفيذها دلوقتي.
هنختار الاده الي في الصورة احيانا بتكون ظاهرة واحيانا بييجي مكانها اداه Graident tool في الحالة دي اضغط كليك يمين واختار الاداة اسمها paint bucket tool واختار لون للخلفية واضغط كليك شمال على الصورة البيضة علشان يعملها اللون الي انت اختارتة.
---------------
وبعديها هنكتب الحرف U باداة horizontal type tool الي ظاهرة في الصورة الي فاتت اخر اداه عليها حرف T.
----
بعد ما كتبت الحرف هتحتاج تكبرة اضغط من الكيبورد ctrl+t او اختار free transform من قائمة Edit.
بعد كدة هنعمل كمان لير جديد ونعمله نفس الخلفية ونكتب علية حرف P
وبعديها هنعمل كمان لير جديد ونعملة خلفية ونكتب فية حرف ال U
ملحوظة: عند اضافة حرف جديد امسك بالزر shift ثم اضغط كليك شمال بالماوس.
-----------------
بعد تنفيذ كل الخطوات الي فاتت هيكون عندك في قائمة الطبقات (layers) طبقة ال background ودي ملهاش لازمة ممكن تمسحها عادي وعندك فوقها 6 طبقات الي هما خلفية فوقها حرف U وبعديها خلفيه فوقها حرف P وبعديها خلفية فوقها حرف ال U
طيب تمام هنحتاج ندمج كل حرف وخلفية بطبقة واحدة فقط بدل طبقتين هتحدد على اول طبقة فوووف الي هيا حرف A وبعديها تمسك بزر Shift وتضغط على الطبقة الي بعديها الي هي الخلفية لكن عند الضغط اضغط على الاسم مش الصورة.
كدة انت حددت على اول طبقتين الي هما حرف A و خلفيتة بعديها تضغط كليك يمين على طبقة الخلفية وتختا merge layers
كرر الخطوة السابقة مع باقي الطبقات. بكدة هيكون عندنا 3 طبقات كل طبقة مدمج فيها خلفية وحرف
كما في الصورة
---------------
الخطوة الثانية:-
وهي تنفيذ التحريك
لو انت بتشتغل على برنامج photoshop cs6 او اصدارات ما بعدة
تختار كلمة timeline من قائمة window هيظهرلك قائمة بعرض الشاشة بالاسفل
لو انت شغال على برنامج photoshop اقل من اصدار ال cs6 يبقى هتختار كلمة animation من قائمة window
تمام هيظهر قائمة بعرض الشاشة بالاسفل اضغط على زر Create video timeline دة بالنسبة للفوتوشوب cs6
بعد كدة هتظهر لينا الصورة دي نختار ايقونة اسمها convert to frame animation
بعد كدة هيحولك على نظام عمل الصور المتحركة كما في الصورة
------------------------
تمام لو بصيت للصورة الي فاتت هتلاقي فيها فريم واحد مكتوب علية 5sec. اضغط على الكلمة دي وخليها No delay علشان يحرك الصور بسرعة وكلمة once تحت خليها forever
----
بعد كدة اتأكد انك على اداة سهم التحريك الي في الاول على الشمال او اضغط من الكيبورد حرف V علشان تنقلك للاداة دي
بعد كدة هتضيف فريم جديد عن طريق الايقونة الي في الصورة دي مع العلم اني ضيفت الفريم
بعد ما ضيفت الفريم رقم 2 زي ما في الصورة واتأكدت ان ادة سهم التحريك هو الي نشط او الضغط على حرف V لتنشيطة
هتبدأ بتحريك الصورة الي فيها الحرف A على الفريم رقم 2 اضغط على سهم لاعلى 3 مرات او على حسب بس انا افضل 3 مرات
ممكن اكتر ممكن اقل بعد الضغط الصورة هتتسحب لفوق شوية بعديها هتضيف فريم جديد وتضغط من الاسهم 3 مرات على سهم لأعلى تاني هتتسحب لفووق كمان شوية هتضيف كمان فريم من نفس الايقونة وتضغط 3 مرات على سهم لأعلى وهتفضل تعمل الخطواات دي لحد ما تختفي الصورة خاااالص بعد ما تختفي هتشيل علامة العين من على حرف الطبقة الي انت كنت بتحركها الي هي حرف ال A العلامة دي جمب اللاير نفسة. بعد كدة هتروح عامل نيو فريم من نفس الايقونة الي بتعمل منهم فريم وتسحب المرة دي حرف ال P لفووق 3 مرات على سهم لأعلى لحد ما تختفي وتشيل علامة العين من جمب اللاير حرف ال P بعد ما يختفي.
ممكن الصورة تخلص على كدة. لكن كدة هيكون حرف ال U مش هيتحرك لفووق لما تحفظ الصورة هيحرك ال A و ال P وبعدين يرجع مرة تانية يكرر الصورة لو عاوز تحرك ال U هنكرر اللاير حرف ال A .كليك يمين علي اسمة واختار Duplicate layer
هيكرر لير اسمة A copy انقل اللاير خلية تحت اللاير حرف ال U ثم شيل علامة العين من عند حرف ال U واظهرها للاير A copy
وحركة بالسهم واظبط مكانة وخلية ظاهر وبعدين حط علامة العين على اللاير U
هتكون النتيجة كدا
بعد كدة هتكرر نفس خطوة السحب الي عملتها للاير A و P عن طريق اضافة الفريم كررها للاير U يعني 3 مرات من الاسهم لفووق لحد ما يختفي ويظهر اللاير A يبقى كدة خلصت الصورة . استنى لسة هتحفظها ازاي :) هتختار save for Web من قائمة File
او عن طريق الكيبورد اضغط ctrl+alt+shift+s وهتظبط الاعدادات كما في الصورة اهم حاجة الصيغة تكون Gif علشان تشتغل معاك صورة متحركة وتحفظها وبعد كدة لو حبيت تحفظها كمشرووع فوتوشوب هتختار save as من قائمة File وتخلي الصيغة psd
ولو حبيت تغير حجم الصورة من قائمة Image اختار كلمة Image size
او من الكيبورد اضغط على ctrl+alt+Q
---------------اعدادات حفظ الصورة-------------
كدة بيكون انتهى درس انهردة انتظرو الدرس القادم.
واتمنى الشرح يعجبكم واي استفسار اترك تعليق او كلمني على شات اتحاد المبرمجين العرب.
روعة
ردحذفلكن يوجد بعض الشرح معقد خصوصاً بدون الصورة لذا ارجو وضع التفاصيل بترتيب واذاامكن استخدام الصور كل مرحلة اكثر
شكراً